كلمات أغنية "متخذلنيش" لـ إليسا من فيلم "السلم والثعبان 2"
طرحت الشركة المنتجة لفيلم "السلم والثعبان - لعب عيال" الأغنية الترويجية بعنوان "متخذلنيش" للفنانة إليسا عبر موقع الفيديوهات يوتيوب.
الأغنية من كلمات منة عدلي القيعي، ألحان عزيز الشافعي، توزيع موسيقي نادر حمدي، جيتار شريف فهمي، ميكس وماستر نادر حمدي.
جاءت كلمات الأغنية كالتالي:
خايفه، شوفت كتير من الدنيا
شوفت أذى من أقرب ناس
خايفه، أعيش لسنين بجروحي
وقولت هعيشها لوحدي خلاص
وقابلتك بعد ما قولت يادوب بالعافيه انا اتلصمت
انا كنت كفرت بالحب خلاص ورجعت آمنت
وقابلتك بعد ما قولت يا دوب بالعافيه انا اتلصمت
انا كنت كفرت بالحب خلاص ورجعت آمنت
علي قد ما بيك فرحانه أوي، انا خايفه، انا خايفه أوي
تطلع زي زمان وأندم بعد مافيك ياما اتعشمت
ف متخذلنيش أرجوك متخذلنيش
أرجوك تطلع تستاهل حبي ده ليك ومتجرحنيش
انا أصلا، مش فاضل فيّا حاجة تكسرها
والله مفيش ف متكسرنيش
قلبي قلبي مفيهوش غير طيبه وحنيه
في الايام ديّا مبتنفعنيش
انا فيك صدقت، بعد ماكنت بقول حرمت
انا حبيتك وعليك انا راهنت، آه متخسّرنيش
وقابلتك بعد ما قولت يادوب بالعافيه انا اتلصمت
انا كنت كفرت بالحب خلاص ورجعت آمنت
وقابلتك بعد ما قولت يا دوب بالعافيه انا
اتلصمت
انا كنت كفرت بالحب خلاص ورجعت آمنت
علي قد ما بيك فرحانه أوي، انا خايفه، انا خايفه أوي
تطلع زي زمان وأندم بعد مافيك ياما اتعشمت
ف متخذلنيش أرجوك متخذلنيش
أرجوك تطلع تستاهل حبي ده ليك ومتجرحنيش