أحمد إسماعيل عن مشاركته في حفل افتتاح المتحف المصري الكبير: هذا تكريم للفن النوبي!
عبر الفنان النوبي أحمد إسماعيل عن سعادته بالمشاركة في حفل افتتاح المتحف المصري الكبير، وتقديمه فقرة غنائية باللغة النوبية عن نهر النيل.
قال "إسماعيل" خلال مداخلة هاتفية مع برنامج "صباح الخير يا مصر" المذاع عبر شاشة القناة الأولى المصرية: "إحساس لا يوصف، لحد دلوقتي مش مصدقه ولا مستوعبه أني كنت واقف قدام فخامة الرئيس عبد الفتاح السيسي، ورؤساء وملوك العالم".
تابع: "إحساس بالفخر والعزة، أن الناس جاية تشوف الحضارة المصرية والاحتفالية الكبيرة اللي بنعملها للمتحف المصري الكبير.. كنت حاسس بمسؤولية كبيرة أنا وكل زمايلي الفنانين، أننا بنحاول نطلع الحفل بأجمل صورة، لأن العالم كلها والأنظار علينا وعلى مصر".
أشار: "اللغة النوبية من أقدم لغات العالم ومرتبطة بالحضارة المصرية القديمة، لغة من عبق التاريخ ولسه حتى الآن في ناس بتتكلم بيها".
أضاف: "الأغنية من ألحان الموسيقار الكبير هشام نزيه، والجزء النوبي كان بيتكلم عن النيل، الأستاذ هشام نزيه تواصل مع الشاعر النوبي أحمد عيسى عبد السلام وقاله عايزين نكتب فكرة عن النيل وكتب الجزء ده".
أكمل: "الحمد لله كان ليا الشرف وكنت محظوظ أنه تم اختياري أني أغني المقطع ده وأن مصر هي هبة النيل، والفنانة الجميلة حنين الشاطر كانت بتغني بالعامية المصرية في نفس الموضوع.. تقريبًا من اليوم ده وأنا منمتش من الفرحة، ده تكريم ليا وللفنانين النوبيين".