مي جلال تكشف كواليس تصميم أزياء حفل افتتاح المتحف المصري الكبير
كشفت مصممة الأزياء مي جلال، عن كواليس تصميم الأزياء الخاصة بحفل افتتاح المتحف المصري الكبير، معبرة عن سعادتها الكبيرة بهذه المشاركة.
قالت "جلال" خلال مداخلة هاتفية مع الإعلامية لميس الحديدي في برنامج "الصورة مع لميس الحديدي" المذاع عبر شاشة قناة النهار: "لسه لغاية دلوقتي مش متمالكة نفسي.. عرفت النهاردة يعني إيه الواحد ممكن يعيط من كتر ما هو فرحان".
تابعت: "أنا وخالد عزام كنا المسؤولين عن كل اللبس ومعانا فريق كبير.. معانا فؤاد سركيس والدكتور محمد خفاجي وياسمين عبد الوهاب مصممة الإكسسورات كلها، وكان معانا مصممين لأزياء المطربين، كان معانا نور عزازي وسهى مراد".
أكملت: "اخترنا الألوان تكون مستوحاة من الجداريات والمعابد، واللي كانت معروفة عن القدماء المصريين.. الأزياء فيها تفاصيل كتير، يعني وردة اللوتس في منها ألوان وأشكال كتير، مش أي وردة لوتس تبقى بتاعة القدماء المصريين.. كنا عايزين نستخدم الرموز المعروفة بالنسبة للمواطن والعالم كله".
