ليلى علوي: افتتاح المتحف المصري الكبير لحظة فخر تُكتب في التاريخ
آية سليم
عبرت الفنانة ليلى علوي عن فخرها الشديد بافتتاح المتحف المصري الكبير، مؤكدة أنه لحظة تاريخية لا يمكن وصفها، قائلة: "اللحظة اللي بتخليك تدمع من الفخر وتحمد ربنا إنك من بلد اسمها مصر."
كتبت "علوي" عبر حسابها الرسمي على "إنستجرام": "وأنا بتفرج على الافتتاح حسيت إني شاهدة على لحظة هتتكتب في التاريخ.. الدموع كانت قريبة، والقلب كان مليان فخر وامتنان. حسّيت إن كل حجر، كل تمثال، وكل لمحة نور… بتقول للعالم إن مصر ما زالت بتعلم الإنسانية يعني إيه حضارة، ويعني إيه روح ما بتموتش".
نرشح لك: بعد غنائها في افتتاح المتحف المصري الكبير.. من هي شيرين أحمد طارق؟
تابعت: "المتحف الكبير مش مجرد مبنى… ده روحنا، تاريخنا، وحكاية أجدادنا اللي بنورهم الدنيا لحد النهارده.. هذا الصرح ليس مجرد إنجاز معماري، بل عمل نابع من القلب ومن بلد تحب الحياة والجمال والتاريخ".
أشارت: "بكل صدق، بشكر فخامة الرئيس عبد الفتاح السيسي على الحلم اللي بقى حقيقة، وعلى الإصرار اللي بيخلي بلدنا دايمًا واقفة شامخة قدام الدنيا كلها.. ربنا يحفظك يا مصر ويبارك في ولادك ويزيدك أمن وسلام ونور."