كلمات أغنية "باشا" لـ مسلم
طرحت الشركة المنتجة لفيلم "قصر الباشا"، الأغنية الرسمية للفيلم وجاءت بعنوان "باشا" من غناء مطرب المهرجانات مسلم.
الأغنية من كلمات مصطفى حدوتة، ألحان مسلم، توزيع إيهاب كلوبيكس.
وجاءت كلمات الأغنية كالتالي:
فهمان والفهمان كسبان
متشغلش دماغك كلها عارفة إنك غلبان
فهمان والفهمان كسبان
مهما هتهرب مني هتشوفني في كل مكان
أنا من وأنا قاعد في مكاني
عارف أنت بتعمل إيه
أنا من وأنا قاعد في مكاني
عارف بتفكر في إيه
واللي بيكدب نص كدبة
بقفش الكدب في عينيه
كل اللي أنتوا مخبيانه
أنا شايفه وقاطع عليه
باشا طول باشا
على أي باشا
معروف الباشا يبقى مين
باشا طول باشا
أنا بلعب لعب معلمين
أنا من وأنا قاعد في مكاني
عارف اللي برا مين
أنا من وأنا قاعد في مكاني
عارف أنتوا اخركوا فين
عندي حاسة سادسة
بعرف اللي جاي ده جاي منين
عشان كده لما تشوفوني
وشكوا بيقلب لونين