كلمات أغنية "سمك زينة" لـ جنات
طرحت الفنانة جنات أغنية جديدة تحمل اسم "سمك زينة" عبر قناتها الرسمية على موقع الفيديوهات الشهير "يوتيوب".
أغنية "سمك زينة" من كلمات مصطفى نصر، ألحان تيام علي، توزيه يوسف حسين، مكس وماستر هاني محروس.
نرشح لك: كلمات أغنية "إلى أبي" لـ محمد فضل شاكر
وجاءت كلمات أغنية "سمك زينة" على النحو الآتي:
صوت ضحكتي
بقى صوت حزين متشتتة
حبة مشاعر عايشة ليك وأنا ميتة
بالعين تشوف
جوايا خوف ساكن في قلبي
سكون مطر جوه الشتا
عمرك لقيت إنسانة ساذجة كل ده
من كتر ما انجرحت بقت متعودة
من برة زينة والروح حزينة
ماشية لهلاكها برجلها متعمدة
أنا في عينيك سمك زينة
وفستان شيك في فاترينا
سفينة في بحر قلبك
تايهة وسط الموج
ولا بتغرق ولا بتوصل على المينا
مجروحة والظاهر جروحي مطولة
خسرانة من كل اتجاه ومكملة
أنا ماشية ليه في السكة دي
مش عارفة أنا بأمارة إيه مستحملة
ده أنا قبل منك كان فاضلي جناج وأطير
وأديني جنبك طير بجد لكن أسير
بقى ده جزائي على قلب باقي
شيالك في عيني تشيلني على الرف الأخير
أنا في عينيك سمك زينة
وفستان شيك في فاترينا
سفينة في بحر قلبك
تايهة وسط الموج
ولا بتغرق ولا بتوصل على المينا