بعد إثارتها للجدل بسبب ضحكها أثناء كلمة لبلبة.. إلهام شاهين تكشف حقيقة الأمر
كشفت الفنانة إلهام شاهين حقيقة الصور المتداولة لها وهي تضحك وتتحدث مع هالة صدقي، خلال كلمة لبلبة في ندوة تكريم يسرا بمهرجان الجونة السينمائي.
قالت "شاهين" خلال تسجيل صوتي لبرنامج "ET بالعربي": "الحوار كان بيني أنا وهالة، مش المفروض أقول كنا بنقول إيه، بس الحقيقة أني كنت بقولها هموت عايزة أروح التواليت، فقالتلي الحمام بعيد وخلاص قربنا نخلص الندوة، وهزرت وقالتلي اعمليها مكانك وخلاص فضحكنا".
تابعت: "شاورت ليسرا وقولتلها يلا خلصوا الندوة عايزة أروح الحمام.. هو هزار بين 2 صحاب، ونونيا (لبلبة) ملهاش دخل بيها تمامًا، نونيا حبيبتي وصحبتي وعشرة عمر، وهي عارفة هي إيه بالنسبة لي، صديقة غالية جدًا
والمسألة متخصهاش تمامًا..
الموضوع كوميدي جدًا".
أضافت: "حاجة غريبة جدًا ليه متصورين كده؟ عشان بيتنمروا علينا طول الوقت فمتخيلين أننا بنتنمر على بعض، بالعكس أنا على طول بأكد أننا الفنانين متماسكين جدًا وصحاب اوي ومفيش حاجة هتوقع بينا، ده كلام سخيف وعبيط".
أكملت: "مش ممكن.. ع طول بيتصيدوا لينا الأخطاء، ماشيين على مبدأ حبيبك يبلع لك الزلط وعدوك يتمنالك الغلط، وواضح أننا أعدائهم، معرفش ليه عايزين يخلقولنا الغلط".
للتفاصيل من هنا
