أحمد فهمي لـ شيكابالا: حقك عليا!
توجه الفنان أحمد فهمي برسالة اعتذار لمحمود عبد الرازق شيكابالا، القائد السابق للفريق الأول بنادي الزمالك، وذلك بعد المشكلة التي استمرت بينهما لسنوات.
قال "فهمي" خلال لقائه مع الإعلامي إبراهيم فايق في برنامج "الكورة مع فايق" المذاع عبر شاشة "mbc مصر 2": "الزمالك له قاعدة جماهيرية وتاريخ كبير وهرم من أهرامات مصر، وأنا أبقى قليل الأدب لو قللت من قدر نلدي الزمالك في عمل فني".
تابع: "أنا وشيكابالا عندنا عيوبنا وده طبيعي واحنا صداميين جدًا.. وفي الفترة اللي أنا وهو متخانقين فيها عمري ما قولت عليه أنه مش كويس أو أنه مش طيب".
أضاف: "احنا صحاب عمر وأكلنا عيش وملك مع بعض والكرة كلها كده.. يمكن موزنهاش صح لما وصلنا المشكلة للميديا وده مني قبل ما يكون منه".
أكمل: "احنا أخوات وجمهور الأهلي والزمالك أخوات، وهو عارف أني بحبه وبشوفه إنسان طيب، ولو في حاجة مضايق مني فيها فحقك عليا، وأنا مش مستني اعتذار خالص".
