أول تعليق من حنان مطاوع بعد انتشار صور لها وابنتها في خروجة أسرية
علقت الفنانة حنان مطاوع على انتشار صور لها وابنتها أثنار زيارتهما للسينما في خروجة أسرية، تصادفت مع وجود العرض الخاص لفيلم "هيبتا 2"، وتصويرها هي وابنتها دون رغبة منها من قبل صفحات على مواقع التواصل الاجتماعى تسعى وراء زيادة نسبة المشاهدات فقط.
قالت "مطاوع" خلال حوارها مع "ET بالعربي": "أنا ماليش غير الناس، ودايما بقول إن كل حد بيكون له مدير وأنا مديري هو الجمهور، وعمري ما حصلي أي مضايقات من الناس، وأنا بتونس وبتدفى وبتحامى فيهم".
تابعت: "أنا بقالي 7 شهور قاعدة في البيت من بعد آخر عمل عملته، وشبه يوميا عندنا أنشطة سواء النادي أو المدرسة.. وأنا كنت في خروجة أسرية مع بنتي وأصحابها وأمهاتهم، ومش عايزة يحصل لهم (بانك) وماليش دعوة بالحدث اللي كان حاصل (العرض الخاص لفيلم (هيبتا 2)".
أضافت: "عمر ما اللي ضايقني الناس ولا حتى الصحفيين، لأن أنا بدين للصحفيين بحاجات ودعم كبير، اللي ضايقني بعض الناس اللي ماسكة موبايلات، وعايزة تلقط صورة عشان تزود (ريتش) على الصفحات، لكن الناس على طول بتتصور معايا وببقى ممتنة لربنا إن الناس عرفاني ولازم أحطهم على راسي من فوق".
أشارت حنان مطاوع: "كانوا بيجروا ورايا وأقولهم بعد إذنكم أنا مش تبع الحدث دي حاجة أسرية.. لكن ولا اهتموا ومسكوني من 7 إلا ربع وبعد ما دخلنا فيلم الأطفال فضلوا مستنيني الساعة 9 إلا ربع عشان ياخدوا صور تاني".