كلمات أغنية "قفل الكلام" لـ رامي جمال
طرح الفنان رامي جمال أغنية جديدة تحمل اسم "قفل الكلام" عبر قناته الرسمية على موقع الفيديوهات الشهير "يوتيوب".
أغنية "قفل الكلام" من كلمات عليم، ألحان مصطفى الشعيبي، توزيع ومكس وماستر محمد ياسر.
وجاءت كلمات أغنية "قفل الكلام" على النحو الآتي:
قفل الكلام وقفلني منه
وصنفه كله بشكل عام
مبقتش اصدق أن لسه في ناس تمام
وبدأت احس شعور غريب في الانتقام
حلو انه غاب ده كان مخلي حياتي فيلم من العذاب
ارتحت جداً م المحايلة ومن العتاب
وخلاص مفيش لا دموع جديدة ولا اكتئاب
ده أنا هاستنى اليوم اللي يرجع تاني فيه
علشان يسألني و ارد واقوله مالكش فيه
ياه ع الجمال لما هيجي في عيني ندمه
بالذمة فيه أجمل بقى من اللحظة دي
احسن اكيد وهابقى احسن كل لما يكون بعيد
مايعيش براحته ولا حتى يموت وحيد
جوايا احساس كره ليه عمال يزيد
خلصت معاه لكن في لسه ايام هتيجي وفيه حياة
وبكرة هيقولي انه بعدي في عيشته تاه
ده قلبي هيطير م السعادة ده يوم مناه
ده أنا هاستنى اليوم اللي يرجع تاني فيه
علشان يسألني و ارد واقوله مالكش فيه
ياه ع الجمال لما هيجي في عيني ندمه
بالذمة فيه أجمل بقى من اللحظة دي