استمع.. أغنية "مالها الدنيا" لـ رامي جمال
طرح الفنان رامي جمال، أغنية جديدة بعنوان "مالها الدنيا" عبر قناته الرسمية على موقع الفيديوهات يوتيوب.
الأغنية من كلمات أيمن عز، وألحان محمود أنور، وتوزيع ومكس وماستر محمد ياسر.
وجاءت كلمات الأغنية كالتالي:
مالها الدنيا في بعُدك عادي حلوة ولا اتهزيت
ده أنا مقعدتش بعد فُراقك يوم واحد في البيت
وبقابل ناس وحشوني واللي خسرته زمان
هقدر أعوضه واكتر من غيرك كمان
فمافيش داعي تتعشم يعني
بُعدك جه بمصلحة ونفعني
عن خدماتك أنا استغنيت
بعد اللي انت عملته في حقي
جاي بشوية أذى متبقي
ولا راجعلي عشان مليت
قولت هيخسر بعدي واديني
دنيتي ماشية تمام
اتعطلت كتير وانا جنبك دي خُلاصة الكلام
كان سهل عليك تنساني فجأة بقيت ندمان
راجع تاني ونفسك تلاقيلك مكان
فمافيش داعي تتعشم يعني
بُعدك جه بمصلحة ونفعني
عن خدماتك أنا استغنيت
بعد اللي انت عملته في حقي
جاي بشوية أذى متبقي
ولا راجعلي عشان مليت