حنان مطاوع: من حقي أوافق على استغلال صورتي
علقت الفنانة حنان مطاوع، على أزمة دمع صورتها مع صورة والدها الفنان الكبير الراحل كرم مطاوع، في فيديو بالذكاء الاصطناعي.
قالت "مطاوع" خلال مداخلة هاتفية مع برنامج "الصورة مع لميس الحديدي"، المذاع عبر شاشة النهار"، الآتي: "محبش أستدعي صور وفاة وألم.. وأنا كمان ممكن لما أشوف الصور دي قلبي يتقبض أو يتوجع، لكن أنا عارفة إن نيته أكيد كويسة وهو كمان اعتذر فبشكره لحسن خلقه".
تابعت: "الموضوع مسألة مبدأ.. احنا ممكن نتعرض لحاجات شديدة الأذى، زي إني أصحى ألاقي نفسي في فيلم ضد معتقداتي وأفكاري أو مشاهد مبعملهاش".
أضافت: "نحط قاعدة إن على الأقل ياخد موافقتي.. أبسط حقوق البني آدم إنه يوافق يتم استغلال شكله أو لا".
كانت حنان مطاوع، قد كتبت خلال عبر منشور على موقع "فيسبوك": «صحيت من كام يوم علي فيديو إنساني تم استخدامي فيه أنا ومجموعه من زملائي بالـai وإحنا في لحظات مؤثره مع والدي وأهالي زملائي المتوفيين الله يرحمهم جميعا، وكأن أهلنا بيبعتولنا رسالة من العالم الآخر».
تابعت: « ماعنديش شك في نيه صانع المحتوي، ولكن هل من حق أي حد أنه يستخدم صورتي وهيئتي وصوره بابا دون الرجوع ليا؟، زمان لما كانوا بيحبوا يستخدموا أصواتنا أو صورنا حتى في الكرتون كان بيتم التعاقد معنا أو السؤال على موافقتنا حتى من باب الأدب، هل عادي إني اصحي في يوم ألاقي نفسي في فيلم ضد قناعاتي؟، ما هو طالما عادي إن يتم استخدامي دون علمي أو الرجوع ليا في فيديو إنساني موثر يبقى ينفع بردو استخدامي دون علمي في أي شيء آخر».
أضافت: «جميل إننا نستخدم التكنولوجيا في فايدة الناس لكن اعتقد اللي ابتدى يحصل هو سرقة وانتهاك حقوق، النهارده بشكل إنساني الله أعلم بكره هيبقى إزاي؟».
