كارمن لبس تستعيد ذكرياتها مع زياد الرحباني برسالة مؤثرة
أعادت الفنانة اللبنانية كارمن لبس، ذكرياتها مع الفنان الكبير الراحل زياد الرحباني، والتي جمعت بينهما علاقة عاطفية دامت نحو خمس عشرة سنة، وذلك بعد مرور نحو شهرين على وفاته.
ونشرت "لبس" مقطع فيديو عبر حسابها على "إنستجرام"، أخرجه المخرج عبادة شعراني لقطات نادرة تُظهر اللحظات التي جمعتهما، إلى جانب رسائل خطّتها اليدان تبادلاها مع الراحل.
ووجهت له رسالة مؤثرة خلال الفيديو قائلة: "بتعرف بس تعيش وهم إنك طويت صفحة حبك الأول وفجأة تكتشف أنه الصفحة بعدها مفتوحة مع جروحاتها؟ صرلي سنين عم قول اتخطيت، بس بنفس الوقت عم اسأل ليه؟ آخر ليه كانت ليه ما بدك تشوفني؟ عرفت بعدين وبعد فوات الأوان، أنه ما بدك شوفك هيك، يمكن ما كان بدك تشوفني وأنا عم شوفك هيك".
أشارت: "اشتقتلك، وعرفت إنك اشتقتلي بس ما قلتلي، قالولي بقيت تسأل عني، بس يا ريت سمعتا منك، قلتلك بغيابك فضي البلد، بس أنت رحت، حسيت أنا فضيت، حسيت كل شي بقي معلق.. أسئلة ما حدا جاوب عليها، وذكريات ما حدا قادر يمسحها، كنت أهرب من سيرتك، مش لأن ما بدي أياها، بس لأني بخاف حس إنها أحلى سيرة، كل شارع، كل زاوية، كل مطرح، بذكرني فيك، حبيتك، وبعدني، وبعدها كل الجمل عم تنتهي فيك".