أبرز أقوال رمضان صبحي في واقعة اتهامه بالتزوير

تصدرت واقعة انتحال شخص صفة لاعب نادى بيراميدز والنادي الأهلى السابق رمضان صبحي، مواقع التواصل الاجتماعي، خاصة بعد قرار تحويل اللاعب لمحكمة الجنايات.

رمضان صبحي لمقيد بالفرقة الثالثة بمعهد الفراعنة للسياحة والفنادق، ودخل شخص الامتحان بدلا منه، حيث جرى ضبط الواقعة في اليوم الأول للامتحانات.

نرشح لك: لبث فيديوهات خادشة.. حبس "أم سجدة" 6 أشهر وغرامة 100 ألف

ووفقا لـ"اليوم السابع"، تلك أبرز أقوال رمضان صبحي في التحقيقات بشأن الواقعة:

1- أنا مروحتش ولا مرة معهد الفراعنة ولا أعرف مكانه فين.

2- أنا حاصل على الثانوية العامة 2016 والتحقت بأكثر من معهد.

3- كنت باخد اثباتات القيد علشان اسهل إجراءات سفري اللى كان بيجبهالي طارق المصرى.

4- طارق المصري شغال وكيل لاعبين كرة وتسهيل انتقالهم بين الفرق.

5- اتعرفت على طارق المصري من خلال الكابتن محمد الشناوي بعد ما رجعت من إنجلترا 2019.

6- طارق المصري كان بيتواصل معايا كل ترم ويطلب فلوس ومكنش بيقولي أنا في سنة كام.

7- طارق كان بياخد مني 30 أو 40 ألف جنيه كل ترم، وده من بداية 2019 أو 2020 مش فاكر بالظبط.

8- الأول كان بياخد الفلوس كاش وبعدين بقيت بحول على إنستا باي.

9- كل اللي يهمني أكون مقيد معهد وميبقاش آخر مؤهل بالنسبالي الثانوية العامة، علشان تقديم أولادي بالمدارس والمظهر الاجتماعي.

10- آخر مرة دفعت لـ طارق المصري بداية 2025 مبلغ 50 ألف جنيه للترم.