تحدثت باكية.. أبرز تصريحات وفاء عامر عن أزمتها الأخيرة
تحدثت الفنانة وفاء عامر عن أزمتها الأخيرة واتهامها بالتجارة في الأعضاء، والتسبب في وفاة إبراهيم شيكا.
قالت "عامر" في لقاء على شاشة ON: "لما طلبنا أهل إبراهيم شيكا قالوا المواصلات صعبة، فقلت لهبة حولي لهم علشان هو حابب يشوف أمه، وأنا ماشوفتهمش ولا مرة.. الأم دي بالنسبة لها الابن حتة من القلب، الأم هي اللي بتطلعها من بوقها وتديها لابنها، والله أنا مش بلوم عليها، إبراهيم ارتاح لكن أمه مارتاحتش وهي صعبانة عليا برضو لأن ممكن يكون اتلعب بيها، وحد قالها هنجيب لك فلوس أكتر أو ابنك اتقتل واتاخد منه".
نرشح لك: "مش هسامح في خسارتنا لبعض".. مي كمال الدين تنفي أخبار زواجها من أحمد مكي
تابعت: "إحنا مش عايشين في غابة، دي مصر يعني فيها قانون وكاميرات في كل حتة، وماينفعش حد يسرق، دي مصر".
كما ردت على تصريح والدة إبراهيم شيكا بوجود جرح في جانبه، قائلة: "تاخد الورق وتشوف الجرح بتاع تحويل المسار ده إيه، تاخد الورق وتروح لدكتور متخصص تسأله وتشوف المسح الذري فيه الكليتين بتوعه ولا لا"
أوضحت وفاء عامر طبيعة علاقتها بـ أم مكة: "بحب الفسيخ وبطلب 10 كيلو لما يبقى عندي عزومة وبتيجي تخدم، وبتطلب مني أنها تتصور معايا، مكسرش بخاطرها أبدا، إحنا كلنا ولاد تسعة، أنا ست عادية".
وجهت رسالة لشقيقتها أيتن عامر: "أيتن عامر شاربة معايا مرار الظلم، بقولها إن شاء الله ربنا هيكرمك، لأن لولا أنها كانت كتفي في وقت أنا كنت فيه خايفة جدا ومتوترة، أنا مكنتش وقفت على رجلي، أنا فخورة بيها وبدعيلها".
