كلمات أغنية "احنا الأسود يا قلوب سود" لـ محمود الليثي وحسن شاكوش
طرح مؤدي المهرجانات حسن شاكوش، الفيديو كليب الخاص بأغنيته الجديدة مع الفنان محمود الليثي والتي تحمل اسم "احنا الأسود يا قلوب سود".
أغنية "احنا السود يا قلوب سود" لمحمود الليثي وحسن شاكوش من كلمات حسام عبد الواحد وتوزيع إسلام ساسو وألحان هاني فاروق.
وجاءت كلمات أغنية "احنا الأسود يا قلوب سود" كالتالي:
مين اللي قال إن الأسود ممكن تهيب من أي ديب؟
فاكرين سكوتنا ده يعني خوف.. رد الكبير على الهلس عيب
قادرين نرد وبافتراء.. قادرين نهدلكم جبال
بس أنتوا جبناء وفي الدرا.. بنعديهالكوا عشان عيال
احنا الأسود يا قلوب سود.. احنا الملوك احنا التقال
اصحى لنا فوق احنا اللي فوق.. وأنتوا اللي صفر على الشمال
عاوز تبان قرب كمان.. أصل أنت قد كده من بعيد
يا بني أنتوا مين؟ يا شفافين.. على الأصول مش متشافين
احنا المقام والهيبة.. في حضورنا أو في الغيبة
ما بنعتمدش العيبة.. عشان السكوت حراق
بنعديهالكوا بكيفنا.. ماهو غلكوا مكيفنا
لو قومنا بس وقفنا.. هنعملكم إغماء
ده كتير عليكوا كلامنا.. يا صغيرين قدامنا
الناس وعارفة تمامنا.. على الجد والمظبوط
هنا الرجولة ثابتة..جايبلكوا مننا جلطة
اهدولكوا حبة في حتة.. مسمعش ليكم صوت
أندال برخصة مسجلة.. عليها ختم الغداريين
عنوان بقى رمي البلاء.. في المهنة خونة وبياعين
في ضهري قطعوا فروتي.. على جرحي حطوا السم خام
أنا سهل أخليكوا شغلتي.. بس أنتوا مش قد المقام
أنا عارف أني حارقكوا.. أنا اسمي عضمة في زوركوا
على الهادي وابلعوا ريقكوا.. هاتوا لوجعكوا علاج
عاملين لاسمي دعاية.. حتة ببلاش ووصاية
شكرا تاعبكوا معايا.. آسف على الإزعاج
ده كتير عليكوا كلامنا.. يا صغيرين قدامنا
الناس وعارفة تمامنا.. على الجد والمظبوط
هنا الرجولة ثابتة.. جايبلكوا مننا جلطة
اهدولكوا حبة في حتة.. مسمعش ليكوا صوت