كلمات أغنية "متفائلة" لـ يارا
طرحت الفنانة اللبنانية يارا أغنية جديدة تحمل اسم "متفائلة" من ألبومها الغنائي لصيف 2025 "تغيير الفصول"، عبر قناتها الرسمية على موقع الفيديوهات الشهير "يوتيوب".
أغنية "متفائلة" من كلمات Seen، ألحان أحمد مصطفى، توزيع أحمد شعطوط.
نرشح لك: كلمات أغنية "ما اتفقناش" لـ يارا
وجاءت كلمات أغنية "متفائلة" على النحو الآتي:
الجنه اللي حلمت انا بيها
خدتني من ايدي حبيبي ليها
ياه علي الفرحه اللي بقيت فيها
ومابتسبنيش
طبطبت عليا بحنيه
وقابلني بأي عيوب فيا
الراحه بقت باينه عليا
خلتني اعيش
نسيتي تعب ايام عدو
والصعب معاك حقدر اهدو
وكفايا عليا عينيك يرضوا
غيرك ومفيش
بطمن وانت قصاد عيني
ووجودك ده اللي بيحميني
قلبي في احساس كله مليني
لا مايكفيش
كل اللي عدى من عمري انا مش فاكراه
والجاي معاك فيه خير جداً ايوه انا شايفاه
جرعة حب وبزياده
مزيكا مليانا سعاده
بتجمل كل اللي عرفته أو كنت معاه
متفائله معاك ايوه انا جداً أن شاء الله
بتحقق أحلامي واكتر من اللي انا عايزاه
استاذ وانا جنبك تلميذه
بتزغلل عيني بكذا ميزه
مكتوبه انا ليك وانت حبيبي اللي انا بستناه
حبك دلت كل الماضي
قبلك عمر وراح على الفاضي
انت ملاك مش انسان عادي
قول جيتلي منين
بتقدر وبتفهم ضعفي
وبجد وبالمعني الحرفي
دايماً واقف جنبي في صفي
مين زيك مين
انا محظوظه بحبك ليا
كملت أنت الناقص فيا
انت لوحدك كل الدنيا
لو عدى يومين
وانت بعيد يتشقلب مودي
وبتفهم من نبرة صوتي
بترجمني في وقت سكوتي
وفي غمضت عين
كل اللي عدى من عمري انا مش فاكراه
والجاي معاك فيه خير جداً ايوه انا شايفاه
جرعة حب وبزياده
مزيكا مليانا سعاده
بتجمل كل اللي عرفته أو كنت معاه
متفائله معاك ايوه انا جداً أن شاء الله
بتحقق أحلامي واكتر من اللي انا عايزاه
استاذ وانا جنبك تلميذه
بتزغلل عيني بكذا ميزه
مكتوبه انا ليك وانت حبيبي اللي انا بستناه