"متفكرش في اللي آذاك".. نصيحة هيدي كرم لمتابعيها
وجهت الفنانة هيدي كرم نصيحة لجمهورها ومتابعيها حول التعامل مع التجارب المؤذية التي مروا بها، مشيرة إلى ضرورة التعلم منها والتعامل معها بحكمة.
نشرت "كرم" مقطع فيديو عبر حسابها الرسمي على موقع التواصل الاجتماعي وتبادل الصور والفيديوهات "إنستجرام"، قالت فيه: "كل واحد آذاك في الحياة لازم تبقى عارف أن وجوده في حياتك وتجربتك معاه كانت لسبب وعشان تتعلم درس معين أو تعرف حاجة عن نفسك وتكتشف حاجة جواك وتعرف أنت بتحب إيه ومبتحبش إيه.. كل إنسان دخل حياتك آذاك ووجعك وضايقك وتسبب في ألم ليك، وجوده كان مهم جدًا لتطورك الشخصي".
تابعت: "وجوده مهم ومطلوب ومرسوم وهيصب في الآخر لمصلحتك أنت، فتعامل معاه على أنه دخل يلعب دور معين في حياتك، دور يفيدك وتتعلم وتتطور منه، عمل الدور وخرج من حياتك.. ربنا سمح بوجوده عشان يعلمك درس، بدل ما تقعد تفكر هو قد إيه آذاك وزعلك وجرحك ووجعك وأنك نفسك ربنا ياخدلك حقك منه.. أنساه خالص لأنه بيلعب مهمة معينة".
أضافت: "بدل ما تفكر فيه فكر في الدرس اللي اتعلمته منه ووجعك منه علمك إيه.. كن دايمًا ممتن للتجربة اللي علمتك وخرجت منها أكيد إنسان أقوى بكتير".