نجلاء بدر عن عملية شد الوجه: مبسوطة من النتيجة والتعليقات
علقت الفنانة نجلاء بدر على خضوعها لعملية تجميل "شد الوجه"، مشيرة إلى أنها سعيدة للغاية بالنتيجة التي وصلت إليها، لكنها لا زالت في مرحلة التعافي ولم تعود لطبيعتها.
قالت "بدر" خلال حوارها مع "فوشيا": "أنا مبسوطة جدا بالنتيجة والتعليقات، وأنا أعلنت، لأن الناس محتاجة حد يقولها إيه يتعمل وإيه ميتعملش، وأنا عملت عملية تجميل عشان كان عندي خطأ ارتكبته في حق بشرتي اللي هما (الفيلر) و(البوتوكس)".
كما حذرت الفتيات من إجراء فيلر وبوتوكس، لأنها لجأت لهما، لأنهما كان الحل السريع بسبب انشغالها بتصوير أعمالها الفنية، موضحة: "دي كارثة من الكوارث، وضرتني أكتر ما نفعتني، فـ بلاش يا بنات الحاجات دي".
وعن عملية شد الوجه، أوضحت: "كنت رافضة تماما إني أعملها بس عملت تحاليل وفحوصات وطلعت تمام، فقررت أعملها والدكتور بيفتح فاتحه حوالين الودن ويسحب العضلات اللي حصل فيها تراخي، وهو وشد العضلات بس، وفي خياطة داخلية، وأنا لسه مرجعتش لطبيعتي، لأن التعافي من 6 شهور لسنة وأنا في الشهر الرابع".
في سياق آخر نفت نجلاء بدر شائعة طلاقها، مشيرة: "مش عارفة ليه نفسهم يطلقوا الفنانين؟! ما إحنا عايشين حياة جميلة وزي الفل، وأجوازنا جُمال، وعندنا حياة طبيعية، وأنا بقوم بوجباتي اتجاه هذا الرجل في كل حاجة".