"اقلعه خالص!".. رد مي إبراهيم على منتقدي حجابها
ردت المذيعة والبلوجر مي إبراهيم، على رسالة إحدى المتابعات التي نصحتها بتصحيح حجابها أو خلعه تمامًا.
نشرت "إبراهيم" من خلال خاصية القصص القصيرة عبر حسابها الرسمي على موقع التواصل الاجتماعي وتبادل الصور والفيديوهات "إنستجرام"، مقطع فيديو لترد من خلاله على رسالة إحدى المتابعات التي كتبت لها: "احترمي الحجاب يا مي أو اقلعيه، دراعك نصه باين ورقبتك، مفيهاش حاجة لو أنتي مش محجبة، بس كده مش حجاب خالص.. متزعليش من الكومنت، خايفة عليكي بجد".
وردت: "روح قلبي صباحك فل، مخبيش عليكي أنا بكره الناس اللي زيك، والله العظيم، بتحبيني إيه؟ أقلعه! أقلعه خالص!".
تابعت: "طب تعالي نحسبها، دراع ورقبة، تاخدي دراع ورقبة؟ ولا دراع ورقبة وشعر وترقوة وسمانة؟ هتقوليلي ما تغطي كله، بحاول وهفضل أحاول، ادعيلي، مش أقلعه خالص.. وبعدين ده مش دراعي، ده الساعد، ساعديني أنتي بقى واسكتي".
