بعد تصريحاتها عن الحجاب.. رسالة مروة صبري إلى أمل حجازي
وجهت الإعلامية مروة صبري رسالة إلى الفنانة أمل حجازي، بعد تصريحات الأخيرة المثيرة للجدل حول خلعها للجاب ورأيها فيه.
قالت "صبري" خلال برنامجها "قعدة ستات" المذاع عبر قنوات "ألفا": "الموضوع غير قابل للنقاش، الحجاب فرض.. ناس من اللي بيتفرجوا هيقولوا متحجبتيش ليه؟ ادعولي اتحجب قريب، ربنا ينعم عليا بنعمة الحجاب لأن ده تقصير مني".
تابعت: "البسي الحجاب أو اقلعيه وأنتي ساكتة، بدون ما تدينا دروس، وبدون ما تطلعي تقوليلنا حاجات غلط تودينا وتوديكي في داهية.. إحنا ماشيين بكتاب ربنا وسنته، هي قالت أنا ماشية بالقرآن بس ومليش في الأحاديث، طب إزاي؟ أنتي اتعلمتي الصلاة منين؟".
نرشح لك: عدلي القيعي: لقب "مهندس الصفقات" ظلمني
أضافت: "أمل حجازي واضح من كلامها أنها شخص متلغبط ومتخبط ومش عارفة هي عايزة إيه.. لكن عندها حالة أنها عايز تبرر خلعها للحجاب، بس محدش سألك أبدًا".