بالبكاء ورسالة مؤثرة.. مفيدة شيحة تحتفل بعيد ميلادها الـ54
احتفلت الإعلامية مفيدة شيحة بعيد ميلادها الرابع والخمسين، ووجهت لنفسها رسالة مؤثرة، عبرت فيها عن فخرها بما حققته خلال مشوار حياتها.
قالت شيحة خلال فيديو نشرته عبر حسابها على موقع تبادل الصور والفيديوهات "إنستجرام": "أنا النهاردة تميت 54 سنة.. الناس ممكن يتخيلوا إن دا غرور، لكن أنا فرحانة وفخورة بيا جدًا.. عمري ما توقعت أوصل للسن ده وأكون حققت كل اللي كنت بحلم بيه"
نرشح لك: "دعمكم ليا هو الحافز".. رسالة حازم إيهاب إلى جمهوره
تابعت: "حققت كارير وكنت فيه ناجحة جدًا، بنيت بيت وحققت حلمي إني أؤمن أهلي، ورعيت أمي لغاية ما توفت، وعلمت بنتي لحد ما خلصت الماجستير وجوّزتها زي ما كانت بتحلم بالضبط".
أضافت: "كل اللي وصلت له كان بعرق جبيني.. ما مسحتش جوخ لحد، ولا تنازلت لحد. أنا بقول لنفسي برافو.. عملت (الستات ماركت) ونجحت فيه، وحجيت، وكنت ست بمية راجل، قدرت أعمل كل الأدوار اللي الحياة حطتني فيها ونجحت".
اختتمت رسالتها قائلة: "بعد ما وصلت للسن ده، أتمنى أوصل لعمر الـ60، وكل اللي أتمناه من ربنا الصحة والستر والحفيد".
