أول رد من بدرية طلبة على أزمتها الأخيرة
ردت بدرية طلبة على جدل أزمتها الأخيرة عبر منصة "تيك توك"، بعد قرار نقابة المهن التمثيلية بتحويلها للتحقيق بسبب ما صدر منها من تجاوزات عبر مواقع التواصل الاجتماعي.
قالت "طلبة" خلال حوارها مع الإعلامية ياسمين عز في حلقة مساء الخميس من برنامج "كلام الناس" المذاع عبر شاشة "mbc مصر": "الفيديوهات اختزل منها، لمصلحة مين؟ الله أعلم.. أنا نمت قمت لقيت زميلة عندها مشكلة أنها بتاجر في الأعضاء، فحد يدخل يشتمني ليه؟ وده يمكن عشان كنت بطلع مع وفاء وكمان عارفين إني ما بسكتش وما بسبش حقي فـشتموني فـ رديت ودافعت".
نرشح لك: غضب بين الملحنين والمؤلفين بسبب تغيير نموذج تصاريح المصنفات الفنية
أضافت: "دخلوا بشكل لجان وتعليقات واحدة.. وفي الفيديو اختزلوا منه وأنا بقولهم: الريس خط أحمر، وإحنا أسياد البلد وبنمثل بلدنا بره.. وأنتم ذباب إلكتروني ولجان وخرفان، لكن هو الشعب المصري هو اللي داخل يشتمني؟!".
أشارت: "كتبوا ليّ أنتِ بتطبلي قُلت لهم أنا قاعدة في فيلتي، ووفاء فيلتها جنبي هتاجر في الأعضاء ليه؟ أنا لو هعتذر هعتذر عن طريقة اتكلمت بيها، مش على كلام قُلته، أنا اللجان الإلكترونية اشتمها بكل ما أوتيت من قوة".
وعن كواليس دخولها عالم الـ"تيك توك"، أشارت بدرية طلبة: "أنا ست بيتوتية أوي، مبخرجش وماليش أصحاب.. وماليش في التطبيقات أو أطلع (لايفات) لحد ما قالوا ليّ ده مسلي جدا وحاجة كويسة، فطلعت ولقيت صحابي وبنطلع مع ناس معينين بحترمنا نسمع أغاني أو ابتهال ديني أو قصيدة ونطلع مع الموهوبين".
تابعت: "مؤخرًا بنطلع ضيوف مع رجال أعمال نختار ناس لعمرة أو نجهز عرايس، مش مجرد تسلية! وبطلع بجلبية البيت مع صحابي في بيوتهم وطالعة أتكلم براحتي".
