بسبب "العميد".. تفاصيل الخلاف بين أحمد شوبير وأحمد حسن
نشب خلافا بين الإعلامي أحمد شوبير والإعلامي وقائد منتخب مصر السابق أحمد حسن، بسبب منشور لـ عصام الحضري حارس مرمى مصر السابق، كتب خلاله مشيرا إلى أحمد حسن بأنه "العميد".
ولقب "العميد" يطلق أيضا على حسام حسن المدير الفني للمنتخب الوطني حاليا، مما دفع "شوبير" للتعليق في قناة الأهلي، قائلا: "مفيش داعي حد يطلع يقول كلمة ويغلس فيها على حسام حسن.. هخدها يا سيدي انك بتهزر ولكن مش وقته خليها يا عم.. لما الأسبوعية بتوع التوقف الدولي يخلص.. إنما مش علشان كان نفسك تكون معاه في الجهاز أو تكون مدير عليه في المنتخب ومحصلش فتعملوا كدا، هل دا مقبول ومعقول اللي بيحصل، يا أخي خلينا نركز.. أنتوا مسؤولين أنتوا بتهزروا؟ الحاجات الصغيرة دي مش عاوزينها وحبوا بعض شوية".
ورد أحمد حسن عبر حسابه الشخصي على موقع التواصل الاجتماعي فيس بوك، وكتب: "الكابتن شوبير طالع يدينا نصيحة على الهواء وردي هيكون هنا على الهواء..
لو حابب تتطوع بنصيحة فأكيد رقم تليفوني معاك وكمان أرقام السادة المحترمين في اتحاد الكرة المصري ولو كانت النصيحة صادقة ولوجه الله أكيد نتقبلها ونشكرك كمان.. لكن طالما الكلام على الهواء فالرد هيكون على شوبير هنا على الهواء.
لمعلوماتك أنا أعمل مديراً لمنتخب مصر المشارك في البطولة العربية (بتكليف ومتطوعا دون أجر) في محاولة لرد جزء للمكان الذي صنع اسمي وتاريخي كلاعب أنهى مسيرته بلقب عميد لاعبي العالم أما بالنسبة لقصة هزاري أنا وعصام الحضري في القصة دي فهو أمر معتاد من سنين والجميع يراه ويشاهده ولم نراك يا كابتن يا كبير يوما تنصح أو تعترض ولكن طبعاً كلنا فاهمين دفاعك بقوة واستماتة واعتراضك ليه!
كابتن اهدى شوية ونصيحتي ليك ركز في شغلك أنت بس ووفر نصايحك لحاجة تانية علشان الموضوع مش مستحمل فتن وخناقات جديدة وكفاية اللي بنشوفه وبيحصل كل يوم وأنت سيد العارفين".