أمير عيد: "أنا مش كيس شيبسي.. أنا فنان حر!"

قال الفنان أمير عيد إنه لا يهمه التباهي بالأموال أو الربح المادي مما يقدمه، لأن أكثر ما يهمه هو القيمة.

شارك "عيد" نصيحة مع جمهوره قدمتها له والدته، وذلك خلال حفله بالساحل الشمالي: "في ناس بتتباهى زيادة بالفلوس والعربيات والساعات، أفتكر مرة أمي قالتلي عمرك ما هتبقى شخص غني، إلا لو أنت عندك حاجة الفلوس مبتشتريهاش".

وعما يقدمه من فن قال: "هي مش بالكم، هي بالقيمة.. أنا بعمل الأغاني اللي بحبها مش عشان أكون براند أو سلعة".

تابع: "أنا مش كيس شيبسي عشان أبقى نفسي أبيع أكتر حاجة، أنا فنان حر، والشغل عرفني على أفكار وقناعاتي وبغني لجمهور حر عنده أفكار".

نرشح لك: استمع.. ألبوم "عقارب" لأ ويجز

كما وجه لجمهوره الشكر على دعمهم المتواصل له، معتبرا إياهم "جمهور مُلهم"، مردفا: "زمان لما كنت بغني في الأوضة لوحدي، كنت فاكر محدش هيسمع اللي أنا بعمله، لكن وجودكم غير كل شيء، أنتم السبب النهاردة إني مش بغني لوحدي، وأن الأغاني دي بتعيش، وإني مش لوحدي في العالم اللي بقى دمه تقيل ومش حقيقي".

@magdy.wazif امير عيد بيقول رساله مهمة لمحمد رمضان وعمرو دياب وتامر حسني من حفل ختام مهرجان العلمين #كايروكي #cairokee #امير_عيد ♬ original sound - magdywazif