كلمات أغنية "خفي يا عين" لـ محمد شاهين
طرح الفنان محمد شاهين أغنية جديدة بعنوان "خفي يا عين" عبر قناته الرسمية على موقع الفيديوهات يوتيوب.
أغنية "خفي يا عين" من كلمات أحمد شكري، ألحان وليد سامي، توزيع إسلام ساسو، صولوهات بندق.
وجاءت كلمات الأغنية كالتالي:
خَفِّي يا عين حَبّة علينا
إحنا فينا اللي مِكفّينا
بطّلي تركيز ويانا
في الأرض يا عين جِبتينا
بشويش يا أصحاب النظرة
من ألف وصلنا لعشرة
والصحة خلاص في النازل
جِبتوا الغضاريف للفقرة
مِلْح على الباب رَشّينا
علّقنا عشانكوا الخَرزة
حاطّين ليه عينيكوا علينا
عينكم نارها ولا الجمرة
مالكم يا جماعة ومالنا
والنبي تسيبونا في حالنا
مراكبنا السيرة أهي وقفت
واتعطّلنا في أشغالنا
بعينيكوا الحجر اتشقّ
ما كفاية بقى حقد ونقّ
ما إحناش زي ما شايفينا
دي معانا بتدور بالزَّقّ
ده إحنا بعلاج ماشيين
ما إحناش أصحاب ملايين
مستورة والله مش أكتر
اسلكوا هاتموتوا والعين
صابني البلاء والداء
حالي من عينهم ساء
في الراحة والجايّة
باصّين لي في الأرزاق