طبيب واقعة فيديو عملية التكميم لطفلة: هي اللي طلبت
علق الطبيب هشام عبد الله، على الجدل المثار حول فيديو الطفلة روان والتي تبلغ من العمر 9 أعوام، معه قبل دخولها لإجراء عملية تكميم المعدة.
قال الطبيب في مقطع فيديو عبر صفحته الرسمية على موقع التواصل الاجتماعي فيس بوك: "روان بنوتة عندها 9 سنين، للأسف عندها سمنة مفرطة من وهي صغيرة".
نرشح لك: بعد تصدرها التريند.. القومي للطفولة والأمومة يمنح الطفلة "هايدي" لقب سفيرة الرحمة
تابع: "وده أثر على ركبها، عمل تقوس في الساقين وخشونة في الركب، وكانت محتاجة عملية للعظام علشان تعدل عظام رجليها علشان مايحصلش تآكل في مفصل الركبة".
استكمل: "دكتور العظام طلب إن هي لازم تخس علشان التقوس يتعالج، والحل الوحيد بالنسبة لها كانت العملية.. إحنا حاولنا معاها بكل أنواع الدايت ومنفعش معاها، وإحنا في الحالات دي بناخد موافقة الأم".
اختتم: "الفيديو مش معمول لمجرد ده دعاية أو تربح، لاء ده هو الطفلة نفسها بيبقى شرطها وكتير من الأطفال بييجوا يعملوا العملية علشان تتصور مع الدكتور ولو إحنا مشيرناش بتزعل حدا وبعد العملية كلمتها وقلت لها لو تحبي مش هشير الفيديو، وهي زعلت أوي وقالت شيره".
يذكر أن النقابة العامة للأطباء قد قررت استدعاء الطبيب الذي أجرى عملية تكميم معدة لطفلة تبلغ من العمر 9 سنوات، للتحقيق في الواقعة التي أثارت جدلا واسعا بعد تداول مقطع فيديو يظهر الطفلة أثناء تحضيرها للجراحة.