هيدي كرم تنتقد الاحتفال المُبالَغ فيه بأعياد الميلاد
انتقدت الفنانة هيدي كرم الاحتفال المبالغ بأعياد الميلاد، مشيرة إلى أنه يوم عادي ولد وتوفي به ملايين البشر، ولا داعي للاحتفال المبالغ وكأنه حدث عالمي.
قالت "هيدي" خلال فيديو نشرته عبر حسابها الرسمي على موقع تبادل الصور والفيديوهات "إنستجرام": "ده يوم عادي ملايين الناس اتولدت وبتموت فيه، وكلنا عندنا أعياد ميلاد، صحيح سنة عدت من حياتنا وكبرنا سنة وسنة قلت من عمرنا، بس الحمد لله، والسنة اللي جاية تبقى أحسن، بس مفيش داعي للاحتفال المبالغ فيه كأنه حدث عالمي".
نرشح لك: "لجمع التبرعات".. أرملة جورج سيدهم تحذّر من انتحال شخصيتها
كما أكدت أنها ترفض أن يهنئها أحد بعيد ميلادها عبر خاصية القصص القصيرة على مواقع التواصل الاجتماعي، وشبهتها بـ"نقوط الأفراح".
أوضحت: "مش عايزة حد يعيد عليا بـ(ستوري) على السوشيال ميديا.. الموضوع ده بيوترني، وبيفكرني بنقوط أفراح زمان، وبحس إني مضطرة أرد الـ(ستوري)، وده بيحسسني بضغط عصبي".
اختتمت: "ممكن تكلمني أو تبعت رسالة على الخاص، وده اللي بعمله مع صحابي، بكلمهم أو ابعت لهم رسالة أو نخرج نحتفل في هدوء وببساطة".
