محمد رمضان: أتعرض لهجوم لأني اخترت طريق مختلف
تحدث الفنان محمد رمضان عن حملات الانتقادات التي واجهها منذ بداية مشواره، مؤكداً أن السبب يعود لاختياره طريقا مختلفا عن المعتاد في الساحة الفنية.
قال "رمضان" في تصريحات صحفية في لبنان قبل إقامة حفله هناك لموقع "بصراحة اللبناني": "أي شيء جديد بيتم لفظه في البداية، الناس بتاخد وقت على ما تستوعبه، وأنا قررت ممشيش على آثار أقدام حد، قررت إني أصنع طريق خاص بيا، بتهاجم لأني قررت أكون مختلف وبمشي في طرق جديدة خالص".
نرشح لك: قريبًا.. دويتو غنائي يجمع محمد رمضان ولارا ترامب
أضاف: "فأنا بعذر الناس اللي هاجمتني، مبقصدش استفزهم والله، حتى موضوع العربيات كنت بخاطب بيه ناس معينة، فببص ألاقي ناس تانية بتزعل، وأنا مقصدهمش، فأنا ببقى محتار، وقررت أكمل لأن في الآخر الطريق هيفهم".
أوضح محمد رمضان أن طموحه لا يتوقف عند حدود الشهرة في مصر أو العالم العربي، قائلاً: "النجم العربي غالبا بيفضل طول عمره نجم في المنطقة العربية فقط، وده مش تقليل من عظمته، لكن أنا مش عايز أجري على تريدميل في نفس المكان، خلصت المنطقة العربية، وبدأت أخاطب أفريقيا، اشتغلت مع نجوم زي متري جيمس، وبعدين هفكر في العالم كله. أنا عايز أجري على الأرض وأوصل لناس جديدة كل سنة".