محمد رمضان على انتقادات إطلالته في "كوتشيلا": "لو رجع الزمن هلبس نفس اللبس"
علّق الفنان محمد رمضان على الجدل الذي أثير حول إطلالته خلال مشاركته في مهرجان كوتشيلا بالولايات المتحدة، مؤكداً أن اختياره للملابس كان موجهاً للجمهور الأمريكي وروح المهرجان.
قال "رمضان" في مؤتمر صحفي قبل حفله بلبنان: "كنت بخاطب جمهور كوتشيلا، اللي لو لبست كاجوال عادي كنت هبان بالنسبة لهم رجعي وجاي من عالم تالت".
تابع: " المهرجان قائم على اللبس اللي فيه جنان، والانتقادات اللي جت من بعض الجمهور المصري والعربي مفرقتش معايا، ولا لحظة ندمت إني اخترت الإطلالة دي".
أضاف: "لو رجع بيا الزمن هلبس نفس اللبس، لأنه حقق الهدف، بعد كوتشيلا اتطلبت لمهرجان أكبر، عشان عجبهم أن الراجل ده متطور وفاهم، مفيش حد من الجمهور اللي كان قدامي اشتكى، واللي اشتكوا أصلاً ناس مكنتش عايزهم يشوفوا الحفل ده".
قال "رمضان" معنى حديثه أنه لا يعني بأنه لا يهتم برأيي جمهوره، بقدر أن لكل مقام مقال.