استمع.. أغنية "وافتكر" لـ حمزة نمرة
طرح الفنان حمزة نمرة أغنيته الجديدة "وافتكر" عبر موقع الفيديوهات يوتيوب.
الأغنية من كلمات حازم وافي، ألحان حمزة نمرة، توزيع أندريا مينا.
نرشح لك: استمع.. أغنية "خد هنا" لـ نيكول سابا
وجاءت كلمات الأغنية كالتالي:
وافتكر ليه ابتديت
ليه جريت وليه عانيت
ليه مشيت من بيت لبيت
شايل الحلم في خيالك
وافتكر حجم الخسارة
والإشارة والأمارة
افتكر رمي الحجارة
واللي نجاك م المهالك
وافتكر طعم المرار
والوجع والانكسار
وانحرافك ع المسار
وإن قلبك لسه سالك
وافتكر طول الطريق
وإن ليك طول في الغريق
وان نورك ليه بريق
والدليل اللي اترمي لك
وافتكر مين كان معاك واللي في السكة رماك اللي جرحك واشتكاك واللي لما احتجته جري جالك
وافتكر زوغان عينيك واما بكيوا عنيك عليك وانت لسه القوة فيك وانت ربك وحده شالك
وافتكر إنك مكسر لكن انت مش مقصر تشتكي وربك ييسر فاله يغلب برضه فالك
وافتكر جرحك معلم
وإن قلبك مش مسلم
ماشي في الاحلام تلملم
بس مش واقف مكانك
وافتكر علشان تكمل
أي آخر كان له أول
والطريق مهما يطول
جي وقتك جي أوانك
وافتكر لو كنت ناسي
ياما عدت بيك مآسي
وانت في الملعب أساسي
عمر نفسك يوم ما خانك
وافتكر طول الطريق
وإن ليك طول في الغريق
وان نورك ليه بريق
والدليل اللي اترمي لك
وافتكر مين كان معاك
واللي في السكة رماك
اللي جرحك واشتكاك
واللي لما احتجته جري جالك
وافتكر زوغان عينيك
واما بكيوا عنيك عليك
وانت لسه القوة فيك
وانت ربك وحده شالك
وافتكر إنك مكسر
لكن انت مش مقصر
تشتكي وربك ييسر
فاله يغلب برضه فالك