أحمد سعد: أنا فضلت طول عمري أعمل حاجات مبتتبعش!
تحدث الفنان أحمد سعد عن الألوان الغنائية التي اعتاد تقديمها في بداية مشواره الفني، موضحًا أنه كان يُقدم أغاني طربية صعبة على الجمهور، وأنه أدرك هذا الخطأ فيما بعد.
قال "سعد" خلال لقائه مع بودكاست "البودكاسترز"، إنه استمر لمدة 13 أو 15 عامًا في تقديم الغناء الطربي لإبراز قدراته الغنائية، موضحًا: "أنا قعدت 15 أو 13 سنة بعمل أغاني مش صعبة على الجمهور، صعبة على المغنيين صحابي".
تابع: "طب ليه؟ أنت بتحارب الناس ليه؟ دول جايين عشان يغنوا معاك"، مشيرًا إلى موقف طريف مر به في بدايات مشواره الفني، عندما طلب منه أحد الأشخاص في حفل زفافه، على الرغم من أنه يُقدم أغاني حزينة.
أكمل: "مرة في بداية حياتي، واحد جابني في فرح وصعب عليا جدًا، كنت عايز أقول له ليه تبوظ فرحك؟ ليه جايبني ده أنا حزين جدًا".
أضاف: "أنت بتبيع منتج ولازم حد يشتريه، المطرب مش هو المسؤول الأساسي عن الحاجات اللي بيعرضها، اللي بيشتري هو كمان مسؤول، لأني مش هبيع حاجة مبتتبعش".
أردف: "أنا فضلت طول عمري أبيع حاجات مبتتبعش، وأعملها وأنشرها وبعد ما أخلص الغناء أروح البيت ومحدش بيجبني في الأفراح ولا الحفلات، مبيرضوش يجيبوني.. هو بحر، كل ما بتنزل في الهبوط، الناس تشتري أكتر.. فأنا ممكن أروح للناس بالشكل اللي هما عايزينه، وأخدهم معايا ونرتقي".