نصيحة عمرو الورداني للأهالي بعد نجاح أبنائهم في الثانوية العامة
وجه الشيخ عمرو الورداني نصيحة للأهالي بعد ظهور نتائج الثانوية العامة، موضحًا أفضل طرق دعم الأبناء وتشجيعهم، والاحتفاء بنجاحهم بأسلوب إيجابي يُشجعهم على الاستمرار.
نشر "الورداني" مقطع فيديو عبر حسابه الرسمي على موقع التواصل الاجتماعي "فيس بوك"، وقال: "بعد النجاح وبعد ما التوتر زال ممكن نقعد مع بعض ونسأل أسئلة مهمة، هل شايف أن إنجاز ابنك شرط لقبوله عندك؟ هل فرحتك زودت خوفه من فكرة طب لو مكنش ده حصل؟ ولا زودت سعادته وهونت عليه أعباء الطريق؟.. والفرق هنا مش بسيط".
تابع: "الفرق هنا بين الحب اللي بيريح، والحب اللي بيتحول لامتحان تاني"، موضحًا أنه سيتحدث في فيديو اليوم عن كيفية تعامل الآباء والأمهات مع إنجازات أبنائهم بشكلٍ إيجابي.
نرشح لك: الجمعة.. شيرين في ضيافة منى الشاذلي
أردف: "أول حاجة، الإنجاز مش إثبات صلاحية التربية، لكن مساحة فرح مشتركة، اللي يشوف أن نجاح ابنه إثبات أنه أب أو أم شاطرة، هيبدأ يضغط عليه مش يفرح معاه".
أكمل: "ابنك مش مطلوب منه يكون قصة تروجها وتحكيها وتنشرها على الصفحات أو تقف ترويها على المسرح، ده روح محتاج أنك تراعيها.. ربنا مدناش ولادنا عشان نكتب عنهم بوستات ولا نثبت بيهم تفوقنا وأننا ناس بنعرف نربي".
أضاف: "إنجاز ابنك ملكه هو، وفرحته بيه لازم تكون بلغة لانا سعيد بيك، مش أنا فخور بنفسي من خلالك!.. وأكبر دعم ممكن تقدمه لابنك هو أنك تفك عنه ربك قيمته بنجاحه.. خلي إنجازه حافز مش هوية، بحيث إن إنجازه ده لو راح راحت شخصيته!".
تابع: "متربطش الإنجاز بالحب، ابنك محتاج يعرف أنك بتحبه في كل الحالات، وأن الفرح الحقيقي لما ينجح أنك تاخده بالحضن، مش تكافأه بالمقارنة والتفضيلات حتى لو كانت لصالحه!".