محمد حلمي: وصلت لمرحلة مفيش ستاند اب كوميديان مصري وصلها

أعرب صانع المحتوى والستاند اب كوميديان محمد حلمي، عن سعادته بكل ما وصل إليه في حياته وخلال مشواره، مقدمًا رسالة شكر وامتنان لوالدته على مجهوداتها معه.

نشر "حلمي" عبر حسابه الرسمي على موقع التواصل الاجتماعي وتبادل الصور والفيديوهات "إنستجرام"، صورًا له مع والدته وأصدقائه خلال لقائه مع الإعلامية منى الشاذلي، في برنامجها "معكم منى الشاذلي" المُذاع عبر شاشة قناة "ON".

كتب: "الحمد لله دايمًا، فخور وفرحان بنفسي قوي أني كُنت عند حُسن ظن أمي، الست اللي كُل اللي أنا فيه ده بعد كرم ربنا وتوفيقه بسبب دعواتها وتربيتها".

تابع: "وفرحان بفرحة صُحاب عمري بيا، الناس اللي شافوا الرحلة من أولها وشجعوني وكانوا مصدقين.. شوفوا حلقتي مع الأستاذة الجميلة منى الشاذلي وقولولي رأيكوا.. وأشكركوا أنكوا كنتوا سبب أني أوصل لمرحلة مفيش ستاند اب كوميديان مصري وصلها، ولسه.. إحنا بنبدأ⁩".