طه دسوقي راثيا لطفي لبيب: من أوائل الناس اللي أمنوا بيا
رثى الفنان طه دسوقي الفنان الراحل لطفي لبيب بكلمات مؤثرة، مستعيدا ذكريات بداياته معه.
نشر "دسوقي" عبر حسابه الشخصي على موقع التواصل الاجتماعي فيس بوك، وكتب: "من أوائل الناس اللي أمنوا بيا وساعدني بدون أي أمارة ولا مقابل.. ومش أنا بس يشهد ربنا على مدار ٤ سنين شغل مسرح مكانش فيه مشكلة بين أي اتنين في المسرحية غير وبتتحل في أوضة لطفي لبيب".
نرشح لك: هند سعيد صالح في ذكرى وفاة والدها: "السنة دي الأصعب"
تابع: "مفيش ممثل جديد بييجي العرض غير وعم لطفي كان يقولنا روحوا اندهوله ييجي يقعد معانا ومكانش بيعمل كده حتى عشان يتقال عليه بيعمل كده.. كان كبير بفعله وبرضاه ومعاملته كان كبير حتى بنصايحه، كان يقولي إوعى في يوم قرنيتك تتقلب ومتبقاش شايف غير نفسك".
اختتم: "شكرا يا عم لطفي على كل خير عملته معايا ومع غيري وربنا يرحمك ويحسن إليك زي ما ربنا ساعد ناس كتير من خلالك وعلى إيديك.. وداعا للفنان والإنسان والمقاتل لطفي لبيب".