بسبب تصدر الألبومات التريند.. تامر حسني يعاتب عمرو دياب
وجه الفنان تامر حسني رسالة يعاتب فيها الفنان عمرو دياب بسبب تصدر ألبوماتهما الترند.
كتب "حسني" عبر خاصية القصص القصيرة على حسابه الشخصي على موقع تبادل الصور والفيديوهات إنستجرام: "مش غريبة شوية لما الفنان الكبير اللي بحبه وبقدره، ينزل صورتي عنده في الستوري بكذا طريقة أن أنا رقم ٤ !!؟".
تابع: "وهو عارف إن ألبومي مش ٤، بدليل ترتيب تريند اليوتيوب اللي ألبومي كله احتله، وكنت رقم 1 من أول يوم في الأسبوع الأول من نزوله.
وبرضو ناس جمعتلي النتائج دي بس منزلتهاش، عموما، هو ترتيب وبيتغير كل شوية، لينا ولزملائنا المطربين لما بينجحوا".
نرشح لك: عزة لبيب: ليلى طاهر معتزلة الفن منذ فترة
استكمل: "الفكرة إن ألبوم "لينا معاد" أنا تعبت فيه، والناس بتتكلم عنه بكل خير وده الأهم، فمش محتاج أعمل كده. أنا لما كنت تقريبا ١٠ أيام رقم 1 في أسبوع نزول ألبوم "لينا معاد"، زي ما انتوا شايفين أهوه في الفيديو اللي اضطريت أنزله، أغانيا في التريند أعلى وهو كان تحت... احتراما ليه ولمحبينه، منزلتش صورته وهي تحت، ولا نزلت أي خبر يقول إن البومي متصدر عليه".
اختتم: "كنت بحتفل مع جمهوري دون المساس بصورة أو اسم أي فنان، احتراما لمجهوده... بس مش عارف ليه هو يعمل كده، لأنه أكبر من كده ومش محتاج يعمل کده!! وعموما، ألف مبروك".
يذكر أن تامر حسني طرح مؤخرا ألبوم "بينا معاد"، بينما طرح عمرو دياب ألبوم"ابتدينا".
