آدم الشرقاوي للمصريين: سمحتولي اشتغل على مشاريع وبنيت نفسي
وجه الفنان الشاب آدم الشرقاوي رسالة شكر للجمهور المصري، موضحا أنهم أحبوه ومنحوه فرصة للتمثيل.
نشر "الشرقاوي" عبر حسابه الشخصي على موقع تبادل الصور والفيديوهات إنستجرام، وكتب: "شكراً لكل الناس اللي تواصلوا معايا والردود الرهيبة، شكراً للصحافة، للناس، ولكل اللي أونلاين، شكراً. هبطل أكون حساس وغريب بعد البوست ده. وأنا مختفي؛ جاتلي رسايل كتير بتقول إني مش بشتغل في مصر عشان بفضّل أشتغل في أمريكا".
نرشح لك: محمد علي رزق يكشف تفاصيل شخصيته في "فات الميعاد"
تابع: "مصر اديتني كتير أوي. بابا كان دايماً يقولي: إن مصر مفيش زيها مكان، وهو وماما كانوا دايماً يشجعوني إني أهتم بالثقافة، بس كنت صغير وغبي. اشتغلت في مصر مع أحسن ممثلين ومخرجين، والناس رحبوا بيا بجد. رغم إني عشت معظم حياتي في أمريكا (ألوم أهلي)".
استكمل: "بعد لعبة نيوتن حسيت إني مرغوب فيه ومقبول، كأني ماسبتش مصر أبداً. الناس المصريين سمحولي أشتغل على مشاريع كتير وبنيت نفسي. رغم إن لغتي العربية مش أحسن حاجة، ورغم إني مش فاهم الثقافة كويس، ورغم إني كنت حاسس إني مش دايماً أستاهل، إنتوا دايماً دعمتوني وقبلتوني. شكراً يا مصر".