حكى تجربته مع المرض.. آدم الشرقاوي يكشف سبب غيابه الفني
كشف الفنان الشاب آدم الشرقاوي عن السبب وراء ابتعاده عن الساحة الفنية خلال الفترة الماضية، موضحًا أنه مرّ بأزمة صحية شديدة أثرت على جسده ونفسيته بشكل كبير، ما اضطره للتوقف وأخذ استراحة طويلة.
قال "الشرقاوي" عبر حسابه بموقع تبادل الصور والفيديوهات "إنستجرام": "كان ليا فترة طويلة ما نزّلت بوستات، بس كنت محتاج أخد بريك. من سنتين كنت تعبان جدًا، كنت قريب من 110 كيلو (250 رطل)، ما كنتش قادر أتنفس كويس، وعندي ضباب في الدماغ لدرجة إني ما كنتش فاكر أيامي بوضوح. كنت بعاني من آلام في المفاصل، وجلطات دم في رجلي، وجسمي كله كان منتفخ بسبب مشاكل في الكلى".
أضاف: "كنت بكره كل حاجة في نفسي، وما كنتش بعرف نفسي خالص لما أبص في المراية. دلوقتي أقدر أقول إني أصحّ من أي وقت فات. رجعت لوزني الطبيعي 80 كيلو (180 رطل)، بحس إني رياضي أكتر، وكل أعضائي شغالة تمام، ومفيش ضباب في دماغي".
كما أعرب آدم عن امتنانه لتجاوزه هذه المرحلة الصعبة، قائلًا: "حتى لما كان عندي مشاكل صحية، ربنا تفضل عليّ بفرص كتير، ولما اتحسّنت صحتي استغليت الفرص دي. أنا شاكر لحياتي ولكل تحدي واجهته، وبشكر ربنا إنه خلاني أمر بالتجربة دي، عشان دلوقتي عندي نظرة جديدة للحياة وحاسس إني مش ممكن أتحطّم".
اختتم رسالته قائلًا: "شكرًا لكل الناس اللي بتدعمني. ومتحمّس إني أشارككم اللي كنت بشتغل عليه".
يذكر أن آخر مشاركات الفنان آدم الشرقاوي، كان في مسلسل "1000 حمد الله على السلامة"، في رمضان 2025، من بطولة يسرا ومايان السيد وشيماء سيف ومحمد ثروت وسما إبراهيم، من تأليف محمد ذو الفقار، وإخراج عمرو صلاح.