نور قدري: اللي بيحترم مواعيده عنده مشكلة في حياته

تحدثت الفنانة نور قدري عن المشاكل التي يواجهها الشخص الملتزم بمواعيده، موضحة أن نسبة كبيرة من الأشخاص لا يحترمون مواعيدهم ويفتقدون هذا الشيء في حياتهم.

قالت "قدري" خلال مقطع فيديو نشرته عبر حسابها الرسمي على موقع التواصل الاجتماعي وتبادل الصور والفيديوهات "إنستجرام": "شخص اللي بيحترم مواعيده ده بيبقى عنده مشكلة في حياته مع البني آدمين، أو مع معظم المصريين في الحياة، لأنه واحد بيحترم مواعيده".

تابعت: "أنت لما تقولي هنتقابل الساعة كذا يبقى الساعة كذا إلا هبقى موجودة، عشان أنا عندي احترام لوقتي ولوقت الشخص التاني، أو الناس التانية اللي رايحة أقابلهم، لأن أكيد عندهم مواعيد تانية وأكيد أنا عندي مواعيد تانية فلازم نحترم بعض، فالميعاد ده من أساسيات احترام البني آدمين لبعض، وأنا شايفة أن جزء كبير اوي من الناس معندوش الحتة دي".

أكملت أنها كان لديها موعد اليوم وبسبب عدم التزام الأشخاص من قبلها بمواعيد الحجز المحددة لهم، أدى ذلك إلى ترحيل ميعادها وتأخيره، موضحة: "على سبيل المثال كان عندي النهاردة ميعاد الساعة 12 ونص في مكان ما، فطبيعي لما بتتصل بالمكان لما بيبقى عندك حجز بتقول عايز أجي من الساعة كذا لكذا.. فأنت عرفت أن في مواعيد قبك وبعدك مش فاضية".

أضافت: "لما تروح متأخر بعيدًا عن أي ظروف قهرية ممكن تحصل، دي الحاجة الوحيدة اللي تغفر لك أنك اتأخرت،

فلما أنت مش قادر تحترم مواعيدك وعارف أنك مش هتيجي في الميعاد ده مظبوط، بتحجزه ليه؟ لمجرد الحجز وخلاص؟".

اختتمت حديثها: "أحب أقول للناس دي: حاولوا يكون عندكم دم وتحترموا أن في ناس بتحترم مواعيدها وبتكون موجودة بعديكم فبيحصلها تأخير في باقي اليوم، خلي عندكوا شوية ذوق وإحساس بالبني آدمين حواليكم لأننا عايشن في كوكب أرض واحد مش منفصل".