أمينة شلباية تكشف سبب انتقالها لتقديم المحتوى على مواقع التواصل الاجتماعي

كشفت الإعلامية وخبيرة التجميل، أمينة شلباية، عن سبب انتقالها من تقديم البرامج التلفزيونية، إلى صناعة وتقديم المحتوى عبر حساباتها الرسمية على مواقع التواصل الاجتماعي.

قالت "شلباية" خلال لقائها في برنامج "In Deep" مع المذيع تامر شلتوت، إنها منذ 4 سنوات كانت تتنقل بين البرامج والمنتجين بسبب رفضها لجودة البرامج التي كانت تعرض عليها حيث كانوا برامج إعلانية.

تابعت أن حبها في مهنتها والرسالة التي تقدمها هو من دفعها للاستمرار، حتى وصلت إلى مرحلة توقفت فيها، موضحة: "وصلت وأنا على الهوا لقيت نفسي بهز رجلي وكلموني في السماعة قالولي أمينة بطلي هز، لأني كنت بتكلم مع دكتور بيتكلم عن الحباية الذكية اللي هناخدها فتخسسنا، هنا قولت لازم أقف".

أضافت أنها توقفت عن هذه البرامج بسبب إرضاء ضميرها، موضحة: "طلعت وقولت مش راجعة تاني عشان ضميري وكنت بروح البيت مضايقة من جوايا، إيه اللي أنا بعمله وبعلن عنه ده؟ الستات بتثق فيا فبعد كل السنين دي يبقى ده جزائهم؟".

نرشح لك: أحمد حسن: ندمت على اعتزالي كرة القدم

أشارت إلى أنها تقوم بتقديم وإعداد البرامج التلفزيونية منذ 20 عامًا، لهذا قررت الانتقال إلى مواقع التواصل الاجتماعي، موضحة: "قولت لنفسي، أمينة، أنتي بقالك 20 سنة بتعملي برامج ومقومة برامج، أنتي اللي بتقدمي وبتعدي، دي منصتك، لا حد هيجبلك منتج مش عيزاه، ولا كلام هتقوليه وأنتي مغصوبة عليه".