استمع.. أغنية "ملامحنا" لـ محمد منير
طرح الفنان محمد منير أغنيته الجديدة "ملامحنا" عبر موقع الفيديوهات يوتيوب ومنصات الموسيقى الرقمية.
الأغنية من كلمات هالة الزيات، ألحان أحمد زعيم، توزيع عمرو عبد الفتاح، ميكس وماستر أمير محروس.
جاءت كلمات الأغنية كالتالي:
كل أما نصور ملامحنا ملامحنا
مش دايما بنكون هو إحنا
أوقات بنبان نشبه روحنا نشبه روحنا
وأوقات نتغير
أوقات في الصورة نبان أهدى نبان أهدى
وأوقات في اللمة تبان وحدة
وأوقات ملامحنا تبان باهتة تبان باهتة
وساعات بتنور
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
كل أما الدنيا بتجرحنا كل أما نغير مطارحنا
تتبدل تفاصيل ملامحنا ما بقتش صورنا تفرحنا
ليه زي الأول
كل أما نطبطب على روحنا على روحنا
بنحن لذكرى بتدبحنا
وكل أما نلملم في جروحنا في جروحنا
قلوبنا بتتعور
فيه ناس من نظرة بتلمحنا بتلمحنا
وأول أما وجودها يريحنا
فجأة بتمشي وتاخد روحنا تاخد روحنا
فوق ما بنتصور
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
كل أما الدنيا بتجرحنا كل أما نغير مطارحنا
تتبدل تفاصيل ملامحنا ما بقتش صورنا تفرحنا
ليه زي الأول