زيزو عن ذهابه للسفارة الأمريكية: "كان تفكير غلط وغير مدروس"

تحدث أحمد مصطفى زيزو، عن كواليس رحيله عن النادي الزمالك وانضمامه لصفوف النادي الأهلي، مؤكدا أنه تفاوض مع الأخير في الفترة القانونية المحددة، وبعد انتهاء علاقته بالزمالك نهائيًا.

قال "زيزو" خلال حواره مع الإعلامي إبراهيم فايق في حلقة مساء السبت من برنامج "الكورة مع فايق" المذاع عبر شاشة "mbc مصر": "موضوع السفارة الأمريكية ده ممكن يكون الغلطة الوحيدة اللي أنا عملتها في السنة دي، بسبب التوقيت نفسه".

أضاف أنه وقتها كان لا يزال يتفاوض مع الزمالك، موضحًا: "البيان اللي نزلته كان باتفاق مع مسئول بنادي الزمالك، لكن كان غلطة، لكن في أندية كانت بتتكلم معايا مش الأهلي وخدت ميعاد ولغيته مرتين ولو لغيته مرة تالتة هيبقى في مشكلة فتحسبا لأي حاجة روحت أعمل الفيزا".

تابع: "مكنتش فاكر أن الموضوع هيطلع للناس، ومكنتش قارئ الموضوع كان تفكير غلط، ومكنتش مدروسة أوي وتوقيته كان غلط.. بس كانت فكرتي أن الفيزا بتاخد وقت طويل لحد ما تطلع، ولو مكنتش روحت الميعاد ممكن متطلعش تاني".

وعن توقيت تعاقده من الأهلي، قال "زيزو": "مضيت في الفترة القانوية بتاعتي، وكانت علاقتي خلصت بنادي الزمالك تمامًا".