شاهد.. طريقة ليلى علوي في تحضير فتة العيد

شاركت الفنانة ليلى علوي مع جمهورها، طريقتها في تحضير فتة العيد، مسترجعة ذكرياتها مع العيد ووالدتها الراحلة.

نشرت "علوي" عبر حسابها الشخصي على موقع التواصل الاجتماعي فيس بوك، فيديو لها أثناء تحضير الفتة، وكتبت: "كل سنة وأنتوا طيبين، ويا رب دايمًا أعيادكم مليانة فرحة ولمّة حلوة. قررت النهاردة أشارككم واحدة من أحلى لحظات العيد على قلبي، وندخل سوا المطبخ نعمل الأكلة اللي من غيرها العيد مايكملش… الفتّة".

نرشح لك: رامي جمال يعلن موعد طرح ألبومه الجديد

وقالت أثناء تحضير الفتة: "الفتة دي طبعا أهم حاجة في العيد، بفتكر أمي الله يرحمها هي كانت يونانية بس كانت بتطبخ أكل مصري، وكانت بتعملنا الفتة، أنا مكنتش غاوياها أوي كنت بحس أنها معجنة".

تابعت: "كلنا بنفتكر حاجات حلوة على العيد، بنفتكر العيدية، أمي دايما كانت بتديني عيدية ودلوقتي أنا اللي بدي العيدية".

وعن طريقتها في تقديم الفتة، أشارت: "أنا بزود على الفتة حتة شامي، بحب عليها أوي الزبادي، بقت فتة مصري على شامي".