بعد "لام شمسية".. أمينة خليل: عايزة أعمل كوميدي
تحدثت الفنانة أمينة خليل عن أعمالها الفنية المقبلة، بعد مسلسلها الأخير "لام شمسية" الذي تم عرضه في رمضان الماضي.
قالت "خليل" في لقاء مع "سينماتك": "عندي تساؤل أنا هعمل إيه دلوقتي؟ رد الفعل الطبيعي إني عايزة أعمل كوميدي بعد (لام شمسية)، بس أنهي موضوع؟ يعني فيه مواضيع كتيرة أوي متاحة بالنسبة لي أنا نفسي أعملهم كلهم بس لازم أكون ذكية في اختياري".
كما علقت على فكرة المنافسة مع زميلاتها الفنانات، موضحة أن هناك نوعين من المنافسة.
نرشح لك: تامر حسني يعلن تقديم أغاني ألبومه "لينا معاد" بطريقة جديدة
"أنا مش هتكلم على نفسيات الناس، أنا هتكلم على نفسيتي أنا.. أنا بالنسبة لي بشوف إن فيه منافسة غير صحية، وفيه منافسة بتديك دافع إنك تبقى أحسن وتكبر ودايما تكون بتشتغل على نفسك".
تابعت: "فيه ناس في المجال أنا بحبهم على المستوى الشخصي والمهني ومبحسش إن مضطرين يبقى فيه منافسة ما بينا، أنا مؤمنة وراضية جدا إن بيبقى فيه أدوار مكتوبة للشخص ده تحديدا، الدور اللي ليا هاخده، والدور اللي مش ليا حتى لو ماضية وداخلة اصور بكرة مش هاخده، لو الواحد بيمشي باليقين ده في حياته يمكن يقلل فكرة المنافسة بس أنا بحب لما اتفرج يعني مش هغير من صديقة ليا".