إمام عاشور يوضح تفاصيل مشادته مع الأمن خلال احتفالات تتويج الأهلي بالدوري

أوضح لاعب النادي الأهلي إمام عاشور تفاصيل الواقعة التي أثارت الجدل أثناء احتفال الفريق بالتتويج بدرع الدوري، بعد انتشار مقطع فيديو ظهر فيه وهو في مشادة مع أفراد الأمن على بوابة مدرجات استاد القاهرة من أجل السماح له بدخول ابنته معه.

قال "عاشور" خلال استضافته في برنامج "الكورة مع فايق"، مساء الخميس، مع الإعلامي إبراهيم فايق، والمذاع عبر شاشة "MBC مصر 2": "أهلي كانوا معايا في المقصورة، وبنتي الصغيرة كانت موجودة، وكنت عايز أنزل أجيبها عشان تشاركني فرحة التتويج. في البداية، كلمت أفراد الأمن بكل احترام وقلت لهم: أنا مش هنزل لا مراتي ولا والدي ولا حد غير بنتي، لكن الرد كان إن ده مش مسموح".

نرشح لك: بعد مسيرة 13 عاما.. رامي ربيعة يودّع الأهلي برسالة مؤثرة

أضاف: "بعد دقيقتين شفت بعض اللاعبين نزلوا أولادهم، فرجعت أستفسر ليه ده حصل، لكن قيل لي إنهم مش هيطلعوا معاهم في مراسم التتويج. قلت لهم ماشي، أنا كمان مش هطلع بنتي، بس عايزها تبقى جنبي. روحت جبت ببنتي، ومع ذلك، رفضوا يفتحوا البوابة".

تابع: "حاولت أفتح البوابة بنفسي لأن بنتي كانت واقفة لوحدها وابتدت تعيط لما شافتني متنرفز. أنا كل همي كان بنتي، مش هدخل أحتفل وأسيبها كده. شدّيت البوابة وأنا فاكر إنها بتتفتح للداخل، لكن كانت بتتفتح للناحية التانية، فحصلت لحظة شد وجذب بيني وبين الأمن".

وكشف إمام أن الموقف انتهى بشكل ودي: "بعدها قعدنا وتكلمنا، واتفهمنا، وتصالحنا، وحتى اتصورنا مع بعض، والراجل اللي كنت مختلف معاه خد التيشيرت بتاعي. بصراحة الناس كانت محترمة، وأنا فاهم دورهم، وهم كمان فهموا موقفي".

اختتم حديثه قائلاً: "اللي حصل كان موقف لحظي، وانتهى، وكل اللي كنت عايزه إن بنتي تكون جنبي".