رانيا فريد شوقي: الحمد لله على نعمة جو مصر
شاركت الفنانة رانيا فريد شوقي الجمهور، بصورة لها من رحلتها في فنلندا، وعلقت عليها موضحة الفرق بين الطقس هناك وبين جو مصر.
نشرت "شوقي" الصورة عبر حسابها الرسمي على موقع "إنستجرام" وعلقت عليها كاتبة: "فنلندا من البلاد الباردة أغلب الوقت، والشتا هناك طويل وقاسي، بيبدأ من شهر 11 ويمتد أحيانًا لحد أبريل، والنهار بيكون قصير جدًا، خصوصًا في الشمال، لدرجة إن الشمس ممكن ما تطلعش خالص أيام كاملة!.. في بعض مناطق فنلندا، عدد ساعات الشمس في السنة كلها ما بيعديش 1,800 ساعة، في حين إن مصر بتستقبل أكتر من 3,500 ساعة شمس سنويًا!".
تابعت: "ولما كنا هناك، قالولنا: أنتم محظوظين، الجو مشمس النهارده!.. قولنالهم: احنا مصريين، جايين من بلد الشمس، وجايبينها معانا!".
اختتمت: "الحمد لله على نعمة الشمس والجو الحلو في مصر.. في بلاد كتير غياب الشمس فيها بيأثر على الحالة النفسية وبيسبب اكتئاب للسكان.. فعلاً، في نعم حوالينا تستحق الشكر كل يوم".