حمو بيكا يرد على الهجوم عليه: " لو مش عاجبك متدخلش عندي"
وجّه مطرب المهرجانات حمو بيكا رسالة مؤثرة إلى جمهوره ومتابعيه عبر حساباته على مواقع التواصل الاجتماعي، معبّرًا عن استيائه من الانتقادات والتعليقات السلبية التي يتعرض لها باستمرار.
قال "بيكا" خلال بث مباشر عبر حسابه على "فيس بوك": "أنا بحبكم في الله وأي حد زعلان مني يسامحني، لكن ليه كل ما أنزل صورة أو فيديو فيه ناس بتشتم؟ أنا ضايقتك أو زعلتك في حاجة؟ لو مش عاجبك متدخلش عندي".
تابع: "اللي بيشتم ويقل أدبه هل هو كده شخص من جواه نضيف وكويس؟ ناس بتقول كلام مش فاهماه ولما تشوفني في حتة يجري يتصور معايا".
في سياق آخر، أعلن مؤدي المهرجانات حمو بيكا تضامنه الكامل مع زميله الفنان حسن شاكوش، بعد تعرض الأخير لحملة من السخرية والتنمر بسبب أدائه الصوتي في حفل زفاف مؤدي المهرجانات نور التوت.
قال "بيكا" عبر حسابه على موقع التواصل الاجتماعي "فيس بوك": "اللي بيهزر وبيتريق على حسن شاكوش عشان صوته تعبان، أحب أقولكم: الرجولة مش بس صوت، الرجولة مواقف وصمود وتعب وشقى عشان توصل".
وصف "شاكوش" بأنه "أخ وصديق وعِشرة سنين"، مشيدًا بإصراره على مواصلة الغناء رغم الإجهاد، مضيفًا: "ده مش ضعف.. ده قوة قلب ومعدن أصيل".
تابع: "المطرب الحقيقي مش اللي صوته حلو وهو مرتاح.. المطرب الحقيقي هو اللي بيغني من قلبه حتى لو صوته مجهد، وبيفرّح الناس حتى لو هو موجوع!".
اختتم رسالته مؤكدا على دعمه لـ حسن شاكوش، قائلا: "الناس اللي قاعدة ورا الكيبورد تتريق؟ ولا واحد فيهم يقدر يوقف دقيقة مكان الراجل ده في حياته! أنا واقف معاك يا شاكوش لآخر نفس، وكلنا عارفين إنك راجع أقوى، وده وعد من حمو بيكا قدام الدنيا كلها!".