هيدي كرم: لا أمانع الارتباط بشخص من ديانة مختلفة

أكدت الفنانة هيدي كرم أنها لا تضع الانتماء الديني شرطًا أساسيًا في الارتباط، مشيرة إلى أن المعيار الأهم هو التوافق الفكري ونمط الحياة المشترك.

أوضحت "كرم" خلال حلولها ضيفة على بودكاست "وفيها إيه"، أن "الشخص المناسب" بالنسبة لها هو من يشاركها طريقة التفكير، والطموحات، وأسلوب الحياة اليومي، مضيفة: "لازم يبقى شخص مناسب لأفكاري وخطة حياتي المستقبلية، عشان نقدر نكمل مع بعض.. غير كده البازل مش هيركب".

نرشح لك: داليا مصطفى عن ابتعادها سينمائيا: "مش عايزة أقلل نفسي"

وعن موقفها من الارتباط بشخص من ديانة مختلفة، قالت: "في ناس اتجوزوا من نفس الديانة وفشلوا، وفي ناس اتجوزوا من ديانات مختلفة ونجحوا... الدين علاقة بيني وبين ربنا، والأهم هو احترام فكر وعقيدة الطرف الآخر".

أضافت: "أنا مؤمنة أن الدين حاجة بيني وبين ربنا، ومهم نحترم أفكار وأديان بعض، ومنها هنا تيجي فكرة تقبلي للشخص، لو أنا مش محترمة دينك وفكرك وعقيدتك اللي اتولدت لقيت نفسك عليها، هاجي أقولك لأ أنا متجوزش واحد من ديني وأبدأ أخاف".

اختتمت: "لكن لو احترمت فكرك وعقيدتك هتقبلك في الحياة بكافة الأشكال، سواء كصديق أو زوج أو أم".