لقاء الخميسي: التواضع أهم من النجومية

تحدثت الفنانة لقاء الخميسي عن مفهوم التواضع، مشيرة إلى أنها تعلمت حب البشر والتسامح والرضا وعدم كُره الآخرين حتى من تسببوا في أذى لها.

قالت "الخميسي" عبر فيديو نشرته عبر حسابها الرسمي على موقع "تيك توك": "علمني أبي التواضع وحب الناس وكل ما هو موجود على الأرض والتسامح والرضا، مفيش حاجة اسمها مبحبش حد أو بكره حد.. ولو في حد أذاني مش هكرهه لكن هتمنى أنه يبقى أحسن ويراجع نفسه وميأذيش الناس".

نرشح لك: عصام الحضري: أنا شخصيتي قوية وبحب الأكشن

تابعت: "اتعلمت لما يبقى عندي مشكلة نفسية أحلها عشان مأذيش حد وإني أحترم مشاعر ووجع الآخرين، وأتعامل معاهم ببساطة ومحبة.. الدنيا فانية وفكرة إني أتكبر أو أتنمر أو أتعامل بمنطق (أنا ألنجمة العظيمة) أو (المدير العظيم) دي فكرة مش صح".

أكدت أن من يتعامل بتكبر مع الآخرين لا بد وأنه يعاني من العديد من المشاكل النفسية وبحاجة إلى علاج جذري، لأن لا يوجد من هو أفضل من الآخرين، بل يجب أن نتعامل مع الجميع باحترام وحب ومودة.

تابعت: "محدش أحسن من حد، وأنا مش أحسن من الجنايني اللي بيساعدني أو الست اللي بتساعدني وبتطبخ ليّ.. أنا ممتنة للناس اللي بتساعد، ولازم نحب الناس أيً كان وضعهم المادي أو الثقافي أو العلمي.. إحنا مخترناش نطلع إيه ومحدش عارف إحنا طلعنا كده ليه.. المفروض نحترم الناس ونطبطب عليهم".

@lekaaelkhamissi الحب والتسامح والرضا والتواضع وبرده الاحساس بالذات وحب الذات مع حب الآخرين .. التسامح مع اللي بيإذيك لانه فعليا ممكن يكون مش عارف يسيطر على افكاره وعايز يسبق في الطريق للنجاح ومش شايف غير نفسه صحيح حب الذات واجب بس من غير مانكون بنإذي اللي حوالين ونحاربهم لاننا لما بنإذي الناس النفس بتتأثر .. طبيعتنا محبة .. ياريت نحب بعض وتقبل الآخر من غير تهكمات و تنمر وتهميش من وضع بعض الناس .. #بحبكم ♬ original sound - Lekaa Elkhamissi

في سياق آخر كانت لقاء الخميسي قد ردت على السؤال المتكرر حول ديانتها رغم تأكيدها أكثر من مرة أنها مسلمة، قائلة إنها لم تصرح يوما أنها مسيحية بل أن والدها مسلم ووالدتها مسيحية، مضيفة: "أنا مؤمنة بالإسلام وكل الأديان الأخرى بتسلم قلبها إلى الله".

تابعت: "أنت ملكش علاقة بدياتني لكن لك علاقة أنا بتعامل معاك كويس ولا لأ.. علاقة العبد بربنا محدش له علاقة بها.. علاقتي بربنا تخصني".