كلمات أغنية "أعملها إزاي" لـ كريم محسن
طرح الفنان كريم محسن أحدث أغانيه بعنوان "أعملها إزاي" - "ياللي عيشت"، عبر قناته الرسمية على موقع "يوتيوب".
"أعملها إزاي" من كلمات أحمد العزب، وألحان كامل الجندي، وتوزيع وفواصل موسيقيه عمر الإمام، وجاءت الكلمات كالتالي:
ياللي عيشت بتوعدني بحاجات
بس غيبت وسيبتلي ذكريات
للنهاردة أنا باصص على اللي فات
ولا شايف جاي
كل يوم عيشناه يتعاد بمين
محتاج لعلاج يشفي الحنين
حسبة النسيان تاخد سنين
وأعملها إزاي
وياريت لو كنت ليك غالي
وهامّك لسة إيه حالي
تبطل بُعد دا أنا بعدك مليش
بشوفني لوحدي من غيرك
في دنيا مليانة بغيرك
لكن آياً ما كان فيها ميلزمنيش
كل يوم والتاني بقول أكيد
الظروف شاغلاك وأخداك بعيد
أصل ظني بخاف يطلع أكيد
وتكون حبيت
كان ما بينا ميسكتش الكلام
والنهاردة مفيش بينا السلام
لو بخير أنا فعلا مش تمام
من يوم ما مشيت